Boasa halak Batak Ina Namabalu ndang olo marhasohotan muse?

Ina namabalu ima borua naung muli jala ditinggal amangna/Sinondukna, manang didok ma Janda.

Jadi molo angka boru naung marhamulian didok mai Paniaran ni marga parsinondukna, Dung paniaran boru I gabe marga ni parsinonduk nama nagabe di ibana. Ido nanidokna di pamuli.

Molo lapatan ni Muli ima mulak, Dipamuli lapatanna di Pamulak, ndang nadipamulak tu huta ni natua-tuana alai dipamulak tu huta ni parsinondukna. Dihalak hita batak, molo huta ni natua-tua I ndang huta ni boru, ia huta ni boru ima didia huta ni parsinondukna.

Adat pamuli boru manang tadok ma manjalo pasu-pasu manang marhasohotan. Hea do ra tabege Pamuli Boru didok manggadis boru, sarupa do lapatan ni i. Alana adong do sinamotna. Molo lapatan ni Sinamot on ima Tuhor.

On ma sada namambahen angka boruni halak batak dung mabalu ndang olo be marhasohotan, tarlumobi ma I namabalu margelleng. Tumangunan do ina namabalu on pagodang-godang ianakhon natininggalhon ni parsinondukna. Molo tung muli pe ina namabalu I tong do adong muse adat laho paluahon marga naung didapotna sian parsinondukna na parjolo.  Alai angka ina namabalu marhasohotan muse/muli muse godangan na so marianakhon dope. Molo ina namabalau naung margelleng ndang pola piga na olo muse muli tu boa na asing. Alana tung boha pe, marga ni gellengnai tetap do marga ni parsinonduk naung laho i.

On do nadeba namambahen boru ni halak batak mamillit gabe ina namabalu daripada muli muse tu baoa na asing.

POLISI TOBA

Molo halak Batak mambege hata on, ndang tarsonggot be. Alana hata on nungga tung terkenal di halak batak. Aha do Polisi Toba on? Polisi Toba on ndang nabagian ni Aparat Kepolisian alai istilah tu inanta na be do on. Sada hata leseng-leseng do on tu sada ama-ama. “ Nungga Ro Be Polisi Toba” antar songoni ma dohonon ni ama mandok inantana.

Polisi toba on napaling dihabiari, Nasa jago ni amantana, tung kapala pareman pe amantai. molo nungga dibereng ro polisi toba, pintor mirput do.  Olo do ro songgot Polisi Toba on mangalului buruanna, ndang parduli manang didia target nai, manang nadi lapo, terminal, habis ma bahenonna buruan nai.

Kelebihan ni Polisi Toba on, boi do on menggeledah dohot manita angka barang ni buruan nai, ndang pala porlu surat Tugas manang surat Penggeledahan. On do sada mambahen Polisi toba on sada Polisi nadihabiari. Tanpa proses do sude di ula, molo porlu olo do Polisi Toba on manarik Pinggolni buruanna.

Angka aha nanibahen ni Polisi Toba I sebenarna alani holong ni roha do tu buruannai, asa padot do ula-ulaon buruan nai. Asa unang holan nadi lapo markombur, marbatu, markartui.

Kapolda inna : Kapala Polisi Dapur.

Anak do Sipatujoloon

Anak do sipatujoloon, on ma sada motivasi di Halak Batak. Namarlapatan ma on ima, Anak do sijujung goarni natua-tuana, anak do siboan goar ni natua-tuana, Anak do napadengganhon goar ni natua-tuana. Ikkon tumimbu do Gellengna sian natua-tuana, molo holan tammat SMP do natua-tuana, pinomat Gellengna ikkon ma Tamat SMA, Molo Tammat SMA natua-tuana ikkon ma Pinomat Sarjana Gellengna. On do mambahen hamajuon ni Halak Batak. " Anakhon hi do Hamoraon di Ahu", Naikkon do sikkola nasatimbo-timbona. Tingkat Pendidikan ni halak Batak ma nalobi maju sian sasude halak na adong di negaraon.....