Huta Pintubatu

Huta Pintubatu

Huta Pintubatu ima Huta Banjar, Huta ni Raja Siamporik 1,
Molo sian angka turi-turian namandok, di atiha i, marhuta ma Raja Dogor di Huta Sitorang. Marpinompar ma Raja Dogor ima (1) Raja Pangatur, (2) Raja Soulangon, (3) Raja Siamporik 1 dohot (4) Raja Pambarobo.

Singkat carita, Mambuka Huta ma Raja Siamporik sada tu Huta Banjar, jala di huta Banjar on ma Raja Siamporik marpinompar. Di sada tikki ro ma gokkon ni natua-tuana ima Raja Dogor na adong Ulaon Adat napinatupa ni Raja Dogor jala sude do pinomparna di Jou jala di gokkon. Laho do Pomparan ni Raja Siamporik sada mangadopi jala mangalusi Gokkon ni natua - tua nai ( Ulaon ni ndang pala binoto Ulaon Adat Aha).
Mardalan do Raja Siamporik sada  dohot sude pinompar na laho tu Pestai, Dung hira-hira naeng sahat nama tu Pesta i pintor ro ma uda mansai doras, Maradi ma nasida paima so uda ni. Dung so udani ditorushon halaki ma lakkana, Jumpang ni Nasida ma Aek Bolon natung mansai balga aekna gabe so boi Raja Siamporik dohot Pinomparna laho manaripari tu bariba. Tung mansai gale jala marsak ma Raja Siamporik ala pesta nungga be dimulai.
Dipapungu Raja Siamporik ma angka Batu Nabalga asa adong hundulan ni halaki. Jala ndang sadia leleng ro ma Raja Dogor mandok, " on ma tikkina hamu laho manortor", Manortor ma Raja Siamporik dohot Pinomparna apala pas di Pintu ni Huta Ulaoni jala angka Batu nabalga do manghaliangi nasida.
sian on ma asa muasal parganti ni Huta Banjar gabe Huta Pintubatu. Alai sahat tu tikkion adong dope di Huta Pintu Batu, huta Banjar Ganjang jala disi do Tambak ni Raja Siamporik sada.
 Di Huta Pintu Batu ima Huta ni Marga Panjaitan Pinompar ni Raja Siamporik Sada.

Anak ni Raja Siamporik sada ima :
1. Raja Siharunjat
2. Raja Runggun ni Pohan
3. Raja Sakti Ulu Balang
Molo Pinompar ni Raja Siharunjat on tong do marhuta di Pintu Batu.
Pu Raja Runggu ni Pohan marserak jala mungka huta ma on tu  Aek Nauli Sipahutar dohot Huta Sibagaldaerah Tarutung. 
Molo Raja Sakti Ulu balang ndang pala binoto tudia mamukka Huta. Alai adong do Pinompar ni Raja Siamporik sada namamukka Huta ima di Parsoburan ima Pinompar ni Raja pande Jalang anakni Raja Siamporik Dua.